هذي قصته الطريفه

هذا الموضوع .. 18 سنه فمافوق يعني اللي لسه تربط بكله تروح تزين لنا عصير برتقال لين نخلص
****************
طبعا ً الناس تختلف عاداتهم .. من ديره لـ ديره
اللي يلبسون كرفتات .. واللي يلبسون طرابيش .. واللي يلبسون ( ثياب )
طبعا ً قبل العرس لازم تنسق مع اهل العروس سعر المهر.
وعندنا المهر مو ثابت .. يعني على حسب البنت
إذا هي شق ( صاروخ ) يطلبون 70000 الف .. وإذا لم تكن كذلك يطلبون من الثلاثين الى 50000 الف
وفي مجتمعنا.. تروح اختك وامك يتفحصون البنت
<< مادري شارين لي موتر مو بنت..
و ترا المسألة على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد واسماء ماركات ونظيف وقلت حيا .. يعني ذوقها تمام
وإذا تلقى ذكرى ام صيته + ام مزنه + ام ليالي .. وقلب شاقه رمح خايس معووج وكاتبه كلمات اغاني لصيته وساره والعنود ..والله اللي رحت فيها )
واختاروا لك بنت .. المفروض بالعقل انك تشوفها .. لأنها شريكت حياتك ( الشرع يقول كذا )
اما حنا ناس يخلون وناس لا زينا .. بس يوصفونها لك
شعرها كذا .. طولها كذا

يعني شي خيالي .. وانت تفكر وتقول بنفسك
( يا الله ام الجمال يا شيخ )
وعلى هالوصف قسم قسمات تقول جيسيكا البا مو بنت ام فلان
وتقعد لك ثلاث شهور .. وانت بس تفكر في البنت .. لين ينتفخ راسك وتقوم تخق اذا جابو طاريها
ويجي اليوم اللي تمنيته طول حياتك .. ليلة العمر
تلقاك لابس البشت وابوك على يمينك وعمك الكبير على يسارك
وخوانك وعيال عمك وعيال خوالك وعيال جيرانكم .. والخياطين اللي جنبكم وحارس المدرسه
كلهم متجمعين .. واللي يعرض بالسيف ( مسوي لي فيها تروي ولا الزير هو وراسه )
واللي ماسك الرشاش والسما حمرا من الطلق .. تقول جالس بالفلوجه ولا فيتنام
.. وتخش على صالة الأفراح حقت الحريم ..
بصراحة العزوبي ما يخاف الا من شيئين
1 لمبات العرس إذا ركبوها على البيت ( تحس خلاص ما فيه رجعة امك بتروح وعيال الحاره والشباب . يعني
يحيك احساس انك رايح قوانتانامو وتبي درزن رسايل عشان تراسل اهلك )
2 إذا دخلت على صالة الحريم في صالة الأفراح
هنا يجيك (انواااااااع المغص في البطن ..)
ولما تخش الصالة .. الله لا يوريك ..
ما تشوف إلا العيون .. اللي حاطه ( شادوا مدري روج بالعيون ) << حلوه روج بالعيون
واللي مغطية الوجه ومطلعه القذله ينقال لها ابد الحين حققان ينقال لها


ولما تخش تمشي في الصالة تبي الكوشة .. تسند جسمك على ابوك على شان ما تطيح من هول ما ترى
وتجلس على الكرسي تلتقط انفاسك .. وانت من داخل ميت تبي تشوف العروس
ولما يطلعون اللي زفوك .. ابوك وعمك والخمه اللي معهم << قوية الخمه
يجي عاد الكلام اللي مال امه داعي
امك تطب في الملعب ( والمقصود بالملعب هنا " ساحة الرقص " البست يعني )
وتخش خالتك تراقصها .. وشوي تطب مرة عمك .. حتى خدامتكم تخش وتشكشك بالهندي شوي
طبعا ً العالم اللي عندك منت صوبهم .. تبي تشوف اللي بجنبك جالسة .. تبي تشوف بسكال مشعلاني
وفي هذه الأثناء انت مفهي على الحضور .. وعينك كبر قوطي جبن كرفت تقز في البنات اللي قاعدين
عاد البنات الله يقلعهن يستعبطن
اللي تطيح الشيله متعمده .. واللي ترفع الغشوه يعني تشرب ماء حركات ثاني ثانوي ادبي ب

وبعد نصف ساعة كأنه الدهر بحالوه ==> قلب زلمه
تنطلق انت وهالغزال للعشة الزوجية
ويدخلونكم الغرفة .. واللي يلولش هينا واللي يزغرت هناك .. واللي يلعب يوقا واللي تمسك معه استعراض
روسي عند الباب
المهم .. تخش الغرفة وانت لابس البشت << ==يعني شرايك .. تبيه لابس برمودا
وتقول للعروس السلام عليكم
وهي اشكل .. ما ترد
( ايوه ... هنا الكلام ) ....
ويوم جلست .. وانا المح طرف كوعها .. ويوم شفت الكوع
لا تقولون يالربع .. تقول سلحفاه ميته بيدها
انا هنا صراحة .. قلبي قام يوجعني .. وقلت بنفسي ( لازم نتأكد إن بعض الظن إثم )
واقول لها يا فلانه ..
ولا ترد علي !!؟
يافلانه تعوذي من ابليس .. وقومي
وهي تسوي مستحية .. ما تدري انها لو تقول لي ( بععععع ) انحشت مع الباب
.. وانا اسولف معها ما ترد علي ..


قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد انا شهم لأبعد الحدود <<== والله انك نصاب لأبعد الحدود
وقلت لها .. يا بنت الناس .. حنا الحين متزوجين .. يعني انتي مرتي بشرع الله ورسوله
ما ردت علي , كأني اسولف على جدار
وقلت بيني وبين نفسي << يا كثر ما تسولف على نفسك
( تدري شلون .. خلني اضحكها .. انكت استعبط ..اللطف الجو )
والله واجي واقعد جنبها .. واقول فيها بيت شعر .. اتغزل فيها
وهي شطف .. ولا كأني موجود بالغرفة !
واقوم واخذ القلم واسجل رقم جوالي .. واقطه عليها وقلت لها هذا رقمي
ارقمها .. " بكيفي مرتي وبكيفي .. ان شاء الله ارقم ابوها بعد "

وهي تبتسم بس ما تكلمت .. ويوم تبسمت جيت وجلست بجنبها
وقلت لها .. ( معك مباحس امن دولة ) =>>يعني انكت انا وراسي
هنا البنت قالت بقلبها .. ( يا الله المستعان .. زوجي طلع خبل )
واخذ لي ربع ساعة وانا مفهي على زولها ..
واقول بنفسي .. ( ابي اشوف الوجه )
والله وانا امسك ايدها .. انا من مسكت اليد وقلبي قام يقول طربق طربق..
وانا استانس بصراحة .. وقلت العن ام الفله ياحسام طبعا اسمي مهب حسام بس عشان ذاك الفيلم

المهم,,
وبلمح البصر ! .. نزلت راسها وقامت هيء هيء هيء هيء
عاد هنا خفت يخرب الجو وحسيت اني ماخذ ولد خالي البقاله وطول على امه

.. واروح واوقف عند الباب .. واقعد اطالعها .. مدري وش اسوي
إن طلعت برا شافوني اهلي .. ويقولون وش فيه ولدنا
وإن جلست في الغرفة .. هذي ما تعطي وجهه .. وقمت افكر و افكر لين طرت على بالي خطة
واشوف سويتش اللمبه ( Off .. On ) .. وانا اطفي اللمبه .. واولع المبه الحمرا
ألمح لها .. والله وتقوم بنت الحلال وتتوجه صوبي
انا يوم شفتها جتني تمشي .. خفت والله ..
وتجيك.. وتطفي اللمبه الحمرا .. وتولع اللمبه العاديه
وانا ماسك يدة الباب ابي انحاش إذا قربت لي <<== امحق رجال

وقلت لها .. اقوول ( خلاص بلا عرس وبلا بطيخ .. الحين انا ابي انام .. شلون !؟ )
والله والبنت ساكته .. وانا اقرب شوي شوي .. واسحب المخده ببطء شديد << العن ام الخوف
واروح لزاوية الغرفة .. واحط المخده .. واحط راسي عليها .. وألقيها ظهري
وحسيت في البنت قامت وتحركت .. ( تغير ملابس الفرح )
وانا صاد اطالع الجدار << ما قلت لكم شهم >> أي هين تجيكم السالفة
ويوم خلصت .. ألتفت عليها .. وعلى طول تغشى البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا يمه .. هي اللي شاريتها )

واسحب الكتكات .. واقعد اكل من الحلويات لين ارتفع السكر اللي عندي
والبنت تطالعني مستغربة .. انا إذا شفت الحلويات والعصيرات .. افقد الوعي على طول عاد لو بعد حاطه
سيريلاك بالقمح قسم لاجحد زوجتي واقوم اسوي لي علبه كامله

وحسيت فيها انها تناظر لي .. وانا اكل من الحلويات .. من كل بستان زهرة على ما قالوا
واجي واحطهم عندها .. واطالعها وابتسم
( طبعا ً الكلام هذا وأنا ما شفت وجهها للحين )
ومدت ايدها شوي شوي .. وأخذت الكتكات .. عاد انا احلا شي عندي الكتكات ><"
والله وانا اطالعها بعيوني.. ( ابيها ترجعه وتاخذ شي ثاني )
وهي تسحب علي السيفون .. وتفتح الحلاو و تدخل يدها تحت الطرحة وتاكل
وقلت لها .. ادفع نص عمري بس اشوف وجهك
قالت بصوت خافت ومبحوح ( صوتها يدوخ ياجماعة الخير )
قالت .. ابي بطاقة سوا
انا يوم سمعت البطاقه .. كنك صافقني مخمس على خشتي
وقلت في نفسي .. هلا هلا .. من اولها بطاقه سوا .. شكلها راعية تلفونات ال@#$
وقلت .. اجيب لك الثريا .. بس اكشفي هالخشه .. ابي اكحل عيوني واشوف
" ابي اوصف لكم الحدث .. كأنكم معي "
وتضع يدها على النقاب ..
( وتبدء الكاميرا بالدوران من خلف راسها .. مثل تصوير فلم ماتريكس )
وانا انظر ..
اقصد و يبدأ التصوير بالبطيء .. وانا انظر لها بتلهف وفاتح فمي
وحين كشفت لي عن وجهها ..
قلت ( ............................................. )
وهي تبسم وتحرك راسها يمين شمال .. والشعر يثناثر على وجهها
وبحركه خطافيه .. اسحب الطفايه اللي جنب السرير
واحذفها عليها بسرعة 85 ميل في الساعة لكنها تحاشت الطلقه
انا انقهرت .. وقلت .. والله يقلع ا عمر اختي الي جمعتني فيك يا بنت الـ ... طوط طوط
والله وانا اطالعها منقهر .. ومتحسف على المهر ( 70000 ألف ) الله لا يخسر
واقوم .. واروح واجيب لي خيشه .. واغطي راسها خخخ .. وفتحت في الخيشه فتحه على شان تقدر تتفس
واربط الخيشه براسها .. والف عليها سيم ( علاق ملابس )
عاد انا بغيت احلل المهر .. بس تراجعت في للحظه الاخيرة
ومن بكره .. وانا ماخذها لبيت اهلها .. وقلت لهم
والله للعن ابو D . N . A اللي عليكم
مزوجيني مسخ الله لا يبارك فيكم
بالله هذي بنت .. لو اني ماخذ لي سرلنكيه استر لي من نمسس اللي انتوا مزوجيني اياه
طلعوا باقي المهر لا اجيب عليكم الشرطة الحين
وتقولون هيفاء وهبي بعد .. زكيه زكريا عندها انوثه اكثر منها

.. وانا اقط البنت على اهلها .. وارسل لهم ورقة الطلاق

هذي مشكلة اللي مايشوف قبل الزواج اللي يشوفهم يقول جاي يلعب ياناس الشوفه شرعيه
ونصيحه لازم تشوفووووووووون حتى البنت مو شرط الشاب لازم البنت تشوف
ولا بيطلع لها واحد زي رونالدينيو ولا تطيح بواحد شكله تعطيه فريد ولا كاظم

تحياتي لكم جميعا ...

يبالها ساعتين لما اخلصهااا ..


هع هع


القصه صراحه روووعه ..


ثانكس..

يسلمو خيو ع الطرح الغاوي ..

والله لا هانك....

مشكورين ع المرور..

هههههههههههههههههههههههههههههههه
والله حركات في القصه
نمسس >>>>> حلوه هذي
تسلمين مشكلجيهــ ع الطرح الغاوي

ونتريا يديدك

يسلمو ع المرور...